ନୌସେନା ପାଇଲା ଦେଶୀ ଷ୍ଟେଲ୍‌ଥ ଫ୍ରିଗେଟ୍‌

ସ୍ୱଦେଶୀ ଯୁଦ୍ଧ ଜାହାଜ ଡିଜାଇନ ଓ ନିର୍ମାଣ କ୍ଷେତ୍ରରେ ଗାର୍ଡେନ ରିଚ୍ ସିପ୍-ବିଲଡର୍ସ ଆଣ୍ଡ୍ ଇଞ୍ଜିନିୟର୍ସ (ଜିଆର୍‌ଏସ୍‌ଇ) କୋଲକାତା ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ହାସଲ କରିଛି। ଏହା ଗୁରୁବାର ଭାରତୀୟ ନୌସେନାକୁ ପ୍ରୋଜେକ୍ଟ ୧୭ଏ ଅଧୀନରେ ନୀଳଗିରି ଶ୍ରେଣୀର ଫ୍ରିଗେଟ୍‌ର ତୃତୀୟ ଜାହାଜ ହିମଗିରି (ୟାର୍ଡ ୩୦୨୨) ପ୍ରଦାନ କରିଛି ।

ଜିଆର୍‌ଏସ୍ଇ ଦ୍ୱାରା ନିର୍ମିତ ପ୍ରଥମ ୧୭ଏ ଫ୍ରିଗେଟ୍ ହେଉଛି ହିମଗିରି ଏବଂ ଏହା ‘ଆତ୍ମନିର୍ଭର ଭାରତ’ ଅଭିଯାନରେ ଏକ ବଡ଼ ସଫଳତା। ଯୁଦ୍ଧ ଜାହାଜ ଡିଜାଇନ୍ ବ୍ୟୁରୋ (ଡବ୍ଲୁଡିବି) ଦ୍ୱାରା ଡିଜାଇନ୍ କରାଯାଇଥିବା ଏବଂ ଯୁଦ୍ଧ ଜାହାଜ ତଦାରଖକାରୀ ଦଳ (କୋଲକାତା) ଦ୍ୱାରା ତଦାରଖ କରାଯାଉଥିବା ଏହି ଜାହାଜ ଷ୍ଟେଲ୍‌ଥ (ରାଡାର ଦ୍ବାରା ଧରା ନ ପଡ଼ିବା),  ଦୀର୍ଘସ୍ଥାୟୀ, ଅଟୋମେଟିକ୍ ଓ ଯୁଦ୍ଧ ଦକ୍ଷତାରେ ନିପୁଣ। ଏହା ‘ଇଣ୍ଟିଗ୍ରେଟେଡ୍ କନ୍‌ଷ୍ଟ୍ରକସନ୍’ ପଦ୍ଧତି ବ୍ୟବହାର କରି ନିର୍ମିତ ହୋଇଥିଲା ଏବଂ ଧାର୍ଯ୍ୟ ସମୟସୀମା ମଧ୍ୟରେ ନୌସେନାକୁ ପ୍ରଦାନ କରାଯାଇଥିଲା।

ନୂତନ ହିମଗିରି ମୂଳ ଲିଆଣ୍ଡର ଶ୍ରେଣୀର ଆଇଏନ୍‌ଏସ୍‌ ହିମଗିରିର ପରମ୍ପରାକୁ ପୁନରୁଦ୍ଧାର କରିଛି, ଯାହା ୨୦୦୫ ମେ ୬ରେ ଏହାର ଉଚ୍ଛେଦ ପର୍ଯ୍ୟନ୍ତ ନୌସେନାକୁ ୩୦ ବର୍ଷ ପର୍ଯ୍ୟନ୍ତ ସେବା କରିଥିଲା। ପ୍ରୋଜେକ୍ଟ ୧୭ଏ ଜାହାଜରେ ଏକ ମିଳିତ ଡିଜେଲ ବା ଗ୍ୟାସ (ସିଓଡିଓଜି) ପ୍ରପଲସନ ସିଷ୍ଟମ ରହିଛି। ଏକ ଅତ୍ୟାଧୁନିକ ଇଣ୍ଟିଗ୍ରେଟେଡ୍ ପ୍ଲାଟଫର୍ମ ମ୍ୟାନେଜମେଣ୍ଟ ସିଷ୍ଟମ୍ (ଆଇପିଏମଏସ) ଦ୍ୱାରା ଏହି ପ୍ଲାଟ୍‌ଫର୍ମକୁ ଆହୁରି ଉନ୍ନତ କରାଯାଇଛି ।  

ଜାହାଜର ଅସ୍ତ୍ରଶସ୍ତ୍ର ଓ ସେନ୍ସର ସୁଟ୍ ମଧ୍ୟରେ ଅଛି: ଭୂପୃଷ୍ଠରୁ ଆକାଶରେ କ୍ଷେପଣାସ୍ତ୍ର ବ୍ୟବସ୍ଥା ଏଲ୍‌ଆର ଏସ୍‌ଏଏମ୍‌, ୮ଟି ବ୍ରହ୍ମୋସ୍ ସୁପରସୋନିକ୍ କ୍ରୁଜ୍ କ୍ଷେପଣାସ୍ତ୍ର, ହାଲୁକା ବୁଡ଼ାଜାହାଜ-ବିଧ୍ବଂସୀ ଟର୍ପିଡୋ, ଏଫ୍‌ସିଏସ୍‌ ଆଇଏସି-ଏମ୍‌ଓଡି ସହ ସ୍ୱଦେଶୀ ରକେଟ୍ ଲଞ୍ଚର, ୧୨୭ ମିଲିମିଟର ମଧ୍ୟମ ଦୂରତା ବନ୍ଧୁକ, ଦୁଇଟି ଏକେ-୬୩୦ ରାପିଡ୍ ଫାୟାର ବନ୍ଧୁକ, ଏମ୍‌ଏଫ୍‌-ଷ୍ଟାର୍‌ ମଲ୍ଟି ମିସନ ରାଡାର, ଶକ୍ତି ଇଲେକ୍ଟ୍ରୋନିକ୍ ଯୁଦ୍ଧ ସୁଟ୍, ବାୟୁବାହିତ ପ୍ରାରମ୍ଭିକ ଚେତାବନୀ ରାଡାର, ଭୂପୃଷ୍ଠ ନିରୀକ୍ଷଣ ରାଡାର ଓ ହମସା-ଏନ୍‌ଜି ସୋନାର ।

ହିମଗିରିରେ ଅଛି: ଇଣ୍ଟିଗ୍ରେଟେଡ୍ ପ୍ଲାଟ୍‌ଫର୍ମ ମ୍ୟାନେଜମେଣ୍ଟ ସିଷ୍ଟମ୍ (ଆଇପିଏମ୍ଏସ୍), ଇଣ୍ଟିଗ୍ରେଟେଡ୍ ବ୍ରିଜ୍ ସିଷ୍ଟମ୍ (ଆଇବିଏସ୍), ଯୁଦ୍ଧ ପରିଚାଳନା ବ୍ୟବସ୍ଥା (ସିଏମ୍ଏସ୍), ଉନ୍ନତ କମ୍ପୋଜିଟ୍ କମ୍ୟୁନିକେସନ୍ ସୁଟ୍ (ଏସିସିଏସ୍), ଇଣ୍ଟର-ସିଷ୍ଟମ୍ ସଂଯୋଗ ପାଇଁ ଜାହାଜର ଆଭ୍ୟନ୍ତରୀଣ ଡାଟାବେସ୍‌। ୨୦୩୫ ସୁଦ୍ଧା ଆମ ନୌସେନାକୁ ୧୭୦-୧୭୫ଟି ଯୁଦ୍ଧଜାହାଜ ଥିବା ଶକ୍ତିଶାଳୀ ବାହିନୀରେ ପରିଣତ କରିବାର ଦୀର୍ଘମିଆଦୀ ଲକ୍ଷ୍ୟ ନେଇ ଭାରତୀୟ ନୌସେନାର ବ୍ୟାପକ ପ୍ରୟାସର ଏକ ଅଂଶ ଭାବରେ ହିମଗିରିର ଏହି ବିତରଣ କରାଯାଇଛି।