ନିର୍ବାଚନ ପୂର୍ବରୁ ରାଜକୋଷ ଖୋଲିଲେ ମମତା

କୋଲକାତା: ବିଧାନସଭା ନିର୍ବାଚନ ପୂର୍ବରୁ, ପଶ୍ଚିମବଙ୍ଗର ମମତା ବାନାର୍ଜୀ ସରକାର ଏକ ବଡ଼ ପଦକ୍ଷେପ ନେଇଛନ୍ତି। ସରକାର ଶନିବାର ୮ ହଜାର କୋଟି ଟଙ୍କାର ଏକ ଅଭୂତପୂର୍ବ ଜନସମ୍ପର୍କ କାର୍ଯ୍ୟକ୍ରମ ‘ଆମାଦେର ପାରା, ଆମାଦେର ସମାଧାନ’ (ଆମ ଅଞ୍ଚଳ, ଆମର ସମାଧାନ) ଆରମ୍ଭ କରିଛନ୍ତି। ଏହି ପଦକ୍ଷେପର ଲକ୍ଷ୍ୟ ରାଜ୍ୟ ସାରା ଷ୍ଟ୍ରିଟ୍ ଲାଇପ୍ ଲଗାଇବା, ରାସ୍ତାର ସ୍ଥିତିରେ ଉନ୍ନତି ଆଣିବା ଏବଂ ଜଳ ଯୋଗାଣ ସୁନିଶ୍ଚିତ କରିବା ଭଳି ସ୍ଥାନୀୟ ସମସ୍ୟାର ସମାଧାନ କରିବା। ୨୨ ଜୁଲାଇରେ ଏହି ଯୋଜନା ଘୋଷଣା କରି ମୁଖ୍ୟମନ୍ତ୍ରୀ ମମତା ବାନାର୍ଜୀ ଏହାକୁ ଦେଶର ପ୍ରଥମ କାର୍ଯ୍ୟକ୍ରମ ବୋଲି କହିଥିଲେ।

ଏହି କାର୍ଯ୍ୟକ୍ରମର ତଦାରଖ ପାଇଁ ମୁଖ୍ୟ ସଚିବ ମନୋଜ ପନ୍ତଙ୍କ ନେତୃତ୍ୱରେ ଏକ ଟାସ୍କଫୋର୍ସ ଗଠନ କରାଯାଇଛି ଏବଂ ଜିଲ୍ଲା ସ୍ତରରେ ମଧ୍ୟ ଏକ ଟାସ୍କଫୋର୍ସ ଗଠନ କରାଯାଇଛି। ଶନିବାରଠାରୁ ଅନେକ ଜିଲ୍ଲାରେ ଶିବିର ଆରମ୍ଭ ହୋଇଛି। ମମତା ବାନାର୍ଜୀ କହିଛନ୍ତି ଯେ, ଆମେ ପ୍ରତ୍ୟେକ ବୁଥ୍ ପାଇଁ ୧୦ ଲକ୍ଷ ଟଙ୍କା ବ୍ୟୟ କରୁଛୁ। ମୋଟ ଉପରେ, ରାଜ୍ୟ ସରକାର ଏହି କାର୍ଯ୍ୟକ୍ରମରେ ୮ ହଜାର କୋଟି ଟଙ୍କା ଖର୍ଚ୍ଚ କରିବେ। ଏହି ଅଭିଯାନ ଅଗଷ୍ଟ ୨ ରୁ ଆରମ୍ଭ ହୋଇଛି।