ପ୍ରଧାନମନ୍ତ୍ରୀଙ୍କ ‘ମନ୍ କି ବାତ୍’ : ଦେଶରେ ଉତ୍ପାଦିତ ଦ୍ରବ୍ୟ କିଣିବା ପାଇଁ ନିବେଦନ

ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ମାସିକ ରେଡିଓ କାର୍ଯ୍ୟକ୍ରମ ‘ମନ୍ କି ବାତ୍’ର ୬୬ତମ ସଂସ୍କରଣରେ ଦେଶବାସୀଙ୍କୁ ନିଜ ମନର କଥା କହିଛନ୍ତି। ସେ କରୋନା ସଙ୍କଟ ସମ୍ବନ୍ଧରେ ଏବଂ ସାଧାରଣ କ୍ଷେତ୍ରରେ ପ୍ରତିଦିନ ଘଟୁଥିବା ଘଟଣା ସମ୍ପର୍କରେ ଆଲୋଚନା କରିଛନ୍ତି। କିଛି ଦିନ ପୂର୍ବରୁ ସାମୁଦ୍ରିକ ବାତ୍ୟା ଅମ୍ଫାନ୍ ଦେଶର ପୂର୍ବ ଏବଂ ପଶ୍ଚିମ ଭାଗରେ ଅନେକ କ୍ଷୟକ୍ଷତି କରିଥିଲା। ଅନେକ ରାଜ୍ୟରେ ପଙ୍ଗପାଳ ଆକ୍ରମଣରେ ଆମ କୃଷକମାନେ ଅସୁବିଧାରେ ପଡିଛନ୍ତି ଏବଂ ଦେଶର ଅନେକ ସ୍ଥାନରେ ଭୂକମ୍ପର ଭୟ ମଧ୍ୟ ସୃଷ୍ଟି ହୋଇଛି। ଏଭଳି ସମୟରେ ଆମର କିଛି ପଡ଼ୋଶୀଙ୍କ ଦ୍ୱାରା ସୃଷ୍ଟି କରାଯାଉଥିବା ସମସ୍ୟାର ଦେଶ ସାହସର ସହିତ ମୁକାବିଲା କରୁଥିବା ପ୍ରଧାନମନ୍ତ୍ରୀ କହିଛନ୍ତି। ସେ କହିଛନ୍ତି ଯେ ବାସ୍ତବରେ ଏତେ ସଂଖ୍ୟକ ବିପର୍ଯ୍ୟୟ ଏକ ଥରକେ କ୍ୱଚିତ୍ ଦେଖାଯାଏ। ସେହିପରି ବିଶ୍ୱବ୍ୟାପୀ କରୋନା ମହାମାରୀ ଆସିବା ପରେ, ମାନବଜାତି ଉପରେ ସଙ୍କଟ ବୃଦ୍ଧି ପାଇଛି ଯେଉଁଥି ପାଇଁ ଲୋକଙ୍କ ମଧ୍ୟରେ ଗୋଟିଏ ବିଷୟ ଉପରେ କ୍ରମାଗତ ଭାବରେ ଆଲୋଚନା ହେଉଛି ଯେ ଏହି ମହାମାରୀ କେବେ ଶେଷ ହେବ ଓ ପୁଣି କେବେ ସ୍ୱାଭାବିକ ସମୟ ଫେରି ଆସିବ।

ଅପରପକ୍ଷରେ ଦେଶରେ ଉତ୍ପାଦିତ ହେଉଥିବା ଦ୍ରବ୍ୟ କିଣିବା ପାଇଁ ନାଗରିକମାନଙ୍କୁ ନିବେଦନ କରିଛନ୍ତି ଏବଂ କହିଛନ୍ତି ଯେ ଯଦି ଲୋକମାନେ ସ୍ଥାନୀୟ ଉତ୍ପାଦ କିଣନ୍ତି ତେବେ ସେମାନେ ଦେଶକୁ ମଜବୁତ କରିବାରେ ଏକ ସକ୍ରିୟ ଭୂମିକା ଗ୍ରହଣ କରିବେ। ସେ କହିଛନ୍ତି ଯେ ଯଦି ଆମେ ସ୍ଥାନୀୟ ଉତ୍ପାଦ କିଣିବା ତେବେ ଦେଶକୁ ଶକ୍ତିଶାଳୀ କରିବାରେ ଭୂମିକା ଗ୍ରହଣ କରିପାରିବ – ଏହା ମଧ୍ୟ ଦେଶ ପାଇଁ ଏକ ପ୍ରକାର ସେବା ବୋଲି ସେ କହିଛନ୍ତି। କେହି ଯେ କୌଣସି ବୃତ୍ତି କରୁଥାନ୍ତୁ, ଦେଶ ପାଇଁ ସମସ୍ତଙ୍କର ସେବା କରିବାର ସୁଯୋଗ ରହିଛି। ମାସିକ କାର୍ଯ୍ୟକ୍ରମ ‘ମନ୍ କି ବାତ’ର ୬୬ତମ ଭାଗରେରେ ଦେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି ଯେ ପ୍ରତିରକ୍ଷା ହେଉ ଏବଂ ପ୍ରଯୁକ୍ତିବିଦ୍ୟା କ୍ଷେତ୍ର, ଭାରତ ଆଗକୁ ବଢିବା ପାଇଁ ନିରନ୍ତର ଉଦ୍ୟମ କରୁଛି। ସ୍ୱାଧୀନତା ପୂର୍ବରୁ ଆମ ଦେଶ ପ୍ରତିରକ୍ଷା କ୍ଷେତ୍ରରେ ଅନେକ ଦେଶଠାରୁ ଆଗରେ ଥିଲା। ଆମର ଅନେକ ଗୋଳାବାରୁଦ କାରଖାନା ଥିଲା କିନ୍ତୁ ଏବେ ଆମ ପଛରେ ଥିବା କିଛି ଦେଶ ଆମଠାରୁ ଆଗରେ ଅଛନ୍ତି। ସ୍ୱାଧୀନତା ପରେ ଆମେ ଆମ ଅନୁଭୂତିର ଲାଭ ଉଠାଇ ପାରିଲୁ ନାହିଁ ବୋଲି ସେ କହିଛନ୍ତି। ସେ କହିଛନ୍ତି, ପ୍ରତିରକ୍ଷା ଏବଂ ପ୍ରଯୁକ୍ତିବିଦ୍ୟା କ୍ଷେତ୍ରରେ ଆଗକୁ ବଢିବାକୁ ଆଜି ଭାରତ ନିରନ୍ତର ଉଦ୍ୟମ ଜାରି ରଖିଛି। ଭାରତ ଆତ୍ମନିର୍ଭରଶୀଳତା ଆଡକୁ ଗତି କରୁଛି ବୋଲି ସେ କହିଛନ୍ତି। ଭାରତର ସଂକଳ୍ପ ହେଉଛି ଏହାର ଆତ୍ମ ସମ୍ମାନ ଏବଂ ସାର୍ବଭୌମତ୍ବ ରକ୍ଷା କରିବା। ଭାରତର ଲକ୍ଷ୍ୟ ହେଉଛି ‘ଆତ୍ମ ​​ନିର୍ଭର ଭାରତ’। ଭାରତର ପରମ୍ପରା ହେଉଛି ବିଶ୍ୱାସ ଏବଂ ବନ୍ଧୁତା। ଭାରତର ଆତ୍ମା ​​ଭ୍ରାତୃଭାବ ବୋଲି ସେ କହିଛନ୍ତି।

 

 

 

Spread the love

Leave a Reply

Your email address will not be published. Required fields are marked *